مفضلات ؟؟ ..أى مفضلات؟؟

سيكريت لايف أوف بيز/ موز باللبن/التنس/المضرب/بابا جاب لنفسه مضرب/الكابتن/الكابتن أبو مسطردة/جوست شيب/موز باللبن فى الماج المرعب/خالى بيترعب من الماج المرعب/الماج المرعب لون أبيض وأسود ومرسوم عليه فروع لبلاب سودا/سلمى لابسة بنطلون برمودا/سلمى رفيعة/ البنت اللى مش فاكرة اسمها قالتلى أفرد ضهرى كويس/البنت اللى مش فاكرة اسمها كانت بتقرأ ما وراء الطبيعة/محمد المنسى قنديل/أيام (أنا عشقت)/الأيام/عمر خيرت/المسرح/أشعة الشمس بتتسلل من ازاز باب المسرح/الكلب الأسود/الترقب وانتظار الشىء/الترقب ومافيش حَد ملاحظ إنك مترقب/الحفلة/الشارع/لورد أوف ذا رينجز/الكنبة/الإستلقاء/النضارة السودا/الحواف السودا/الإستلقاء ع الكنبة/بريتى ليتل لايارز/إيميلى شاذة/الرقابة حذفت كل حاجة/الرقابة بتراقب/النيسكافيه/لبن خالى الدسم/لبن كامل الدسم/ناس واقفين فى الركن وبيبسبسولك/العجَلة/العجلة السرعات حاجة وحشة و(يع)/سكينى لاف/بيردى حلوة/صوت البيانو كأنه قطرات مطر بتتساقط/جابوا سُفرة/سُفرة مستطيلة/ماما بتشتغل ايه/مستر محمد حامى المزوغين/مستر محمد بيتستر علينا / يلا نزوغ / مستر طه إشطة/مستر طه عنده عينين صقر/اللهم لا حسد/عمر طاهر مزودها/ومن الشباك لارميلك حالى/ذا فامباير دياريز/إيلينا طاهرة أكتر من اللازم/إلينا مفتعلة/دايمن نبيل وأنانى/دايمن متناقض/ستيفان وشعره/ستيفان بيلبس تيشيرتات خفيفة/وانت بتحب تشايكوفيسكى/فتى الأحلام /فتى الأحلام لسة ماجاش/هانلبس الوش الحلو/انت بتحب العصر/العصر حلو/الأشعة خفيفة/الأشعة بتبرز ملامحك/أشعة العصر حلوة/ كوين لطيفة من الكائنات العسولة/شوبان طلع عينى/انتى واحشانى بغباء/احنا مش بنلمع/هى نسيت/هى عندها مجتمع جديد/شكرًا/وهاروح المدرسة مخصوص عشان أعزف /هاعزف عشان أعزف/بيقولوا برّة إنك بتعزفى موسيقى حلوة/لو دست على أى مفاتيح فى البيانو برضه هايبقى فيه موسيقى حلوة/الأيام الأيام/مش عايزة أكبر/النوتة الموف/بلاد أبدًا أبدًا/بالصلاة ع النبى كده أدامنا اجازة العيد أسبوعين/ما وراء الطبيعة فى الشتا زمان وانت فى 5 ابتدائى/بطاطس محمرة وكاتشب وما وراء الطبيعة/قصر الموت/رادوبيس/ أول ما شطحتى نطحتى/يعنى ايه مش عايزة ده ايه البواخة دى؟/بابا بيقرأ قصر الموت بشغف والصرصار قطع تركيزه/بابا ماقرأش قصر الموت تانى / أنا عندى وشّين/وشّين/وشّين اتنين/الوش المتكلف والوش اللى باتعامل بيه مع الناس الحلوين/انس الأمر !!